AI ANSAH
Tu ai tusu tanah madu,
beri antu Raja Sempurai,
ai keruh tanah tumbuh,
ari entigis ulu sungai.
Ti udah ditanam dara Ngancam,
alam emperan tanah landai,
Padi pan nyadi,
ari kaki nyentuk ke serarai
lalu dibai iya pulai,
ke perentang rumah panjai.
Di jembi Dara mereti,
di atas tikai ari pagi sampai ke lemai.
Ari nya, lalu dipusin ka injin dua berintai,
peda beras naka pemadas.
Udah nya dipanduk dara gauk,
ngena periuk tiga berintai.
Digaga dara Lenta,
ngena bingka lia pulai,
lalu di pandi ka iya,
ba gelanggang gelumbang bebungai.
Nya alai ke lemai tu,
ai tu di kumbai ai Keling seduai sempurai,
malikat seduai nabi Awai.
Ai pengayu ku antu,
Bunsu Sempandai.
Enti kelia,
teleba ngerebah ke gajah beganding dua;
Dikena Rentap Guntur Menua,
nunduk di sadok ngelaban Raja,
Endang ke buah jaku sida ke indu,
dikegaga ka sida ke dara;
Di kenang sida ke bujang,
dipuji sida ke lelaki.
Tang diatu
enda ga iya bakanya wai,
Laban hari udah bebali,
dunya ga enda sebaka,
Laban diatu enti di seradak ke sida ke biak ;
tak enda berasai sida betejengkak ngenjun geladak
papan pelangka
Enti dipakai sida ke tuai,
tak enda berasai panjai umur nguan menua,
Enti ditegu sida ka indu,
enda berasai sida nabu ubung benang jera,
Enti dirasa sida ke dara,
tak enda berasai bulih peruji ati sulu di mata,
Enti dituang sida ke bujang,
enda berasai beteridun sida Endun minta no. telepon,
Laban tu ga ai pengayu,
ngasuh kitai gayu guru,
lantang senang nguan menua.
DIGAGA KABAN AKU. CIKGU MATHEW
Sunday, April 13, 2008
Saturday, April 12, 2008
PANSIK AMAT AKU..
TU PANSIK TI AMAT.
sesempa leka pinang..
Pansik tu ngenang pemayuh antara indu enggau lelaki ba universiti tauka palan pelajar tinggi..
enti di itung, bisi 1/3 aja penyampau kitai ke laki..dah nya semua indu..nama kebuah pia? laban kitai ka laki, enda entu deka belajar, tebal agi deka kerja..
ARI PENYAMPAU NYA..dia deh kitai iban..dia deh kitai iban jangka aku bisi 1/10 ari bangsa bukai..
lalau aku ngagai kitai laki, aram meh kitai bpekit masuk universiti..
laban rindu amai belajar..
sesempa leka pinang..
Pansik tu ngenang pemayuh antara indu enggau lelaki ba universiti tauka palan pelajar tinggi..
enti di itung, bisi 1/3 aja penyampau kitai ke laki..dah nya semua indu..nama kebuah pia? laban kitai ka laki, enda entu deka belajar, tebal agi deka kerja..
ARI PENYAMPAU NYA..dia deh kitai iban..dia deh kitai iban jangka aku bisi 1/10 ari bangsa bukai..
lalau aku ngagai kitai laki, aram meh kitai bpekit masuk universiti..
laban rindu amai belajar..
PENDIAU AKU
GAMBAR AKU MAYA BENUNG RILEK BA UITM..
BUJANG TU ENDANG BARU ANGKAT BUJANG..
KENA HARI 5 BULAN 4 TU KEMARI UMUR AKU MANGGAI 21 TAUN..
DATAI ARI MENUA PELILIH SARIKEI..
ENTI KELALU SEKSI...SORIMEH.. NYA GAMBAR RINDU ATI AJA..
PENGAWA MAYA LEPA..RINDU NERESA DUNYA INTERNET..ENTI BA RUMAH PANJAI..RINDU NGASU BEBURU..RINDU AMAT KA MAKAI JANI GORENG..
DIATU AKU BENUNG BELAJAR JURUSAN SAINS, AKU MEGA KALA NGAU NGAMBI PELAJAR BA BIDANG SADADU..SEDADU LANGIT..
ENDA LAMA DA AGI BULAN 6 TAUN 2008 AKU BULIH PANGKAT PEGAWAI..LEFTENAN MUDA..
NYADI MENUA KAMI AGI NGENA PERAU, EMPAI DATAI JALAI..MENUA JAUH DI ULU SUNGAI, MENUA KUMBAI URANG ULU KENAWIT..
ENSUMBAR; MALI MANSA ENDA DITEGU, BUJANG NGUMBA RINDU BEDUAN AJA..
ENSERA
Ensera Engkajemu Seduai Engkajuang
Nyadi sekali dulu kalia di menoa ti dikumbai Lubok Meram Lansar Kerangan Betumpu Man enggau Rantau Rutan, ti endang diwan Raja Ganali enggau Bunsu Ikan, bisi dua iko indu benong dara, benong beramban mansang. Nama seduai nya, siko benama Endu Engkejemu lalu nama siko Endu Engkejuang. Gamal seduai sama bajik, tang iya ke lebih agi bajik nya Endu Engkejemu. Lalu ba pasal penemu enggau pengelikun pendiau serta enggau pengelandik ngereja samoa macham pengawa pan enda mega telaban ka Endu Engkejemu.
Nyadi Endu Engkejuang tu jauh lain agi perangai enggau gaya. Iya cherdit bendar bejako sereta ketik-ketik pendiau enggau tak gilik-gilik gamal, reti nya linggar-linggar agi ari Endu Engkejemu. Enti temuai bisi datai, dudi orang bukai, dulu iya datai nunga. Iya ke bendar Endu Engkejuang endang sigi jegit ari samoa sida ti sama sarambau.
Ba pasal ngereja pengawa iya endang enggai alah laban orang. Ni pengawa endang diuji iya magang, tang gamal utai digaga iya nadai tentu menuku. Samina nama tembu. Ti numboh ka pengawa iya enggai dudi. Ko ati iya, awak ka tembu dulu ari enggi orang. Tang suah pengawa iya nya tadi lalu enda tembu.
Nyadi sekali leboh Endu Engkejemu seduai Endu Engkejuang benong mandi, dia Endu Engkejuang nanya Endu Engkejemu. “Nama utai kena ngasoh buok panjai awak ke sabaka enggau enggi nuan, wai?” ko Endu Engkejuang.
“Eh! Wai, nadai nya bisi utai macham-macham dikena aku deh wai sulu, semina diasoh aku sugu tulang tilan.” Pia ko Endu Engkejemu nyaut.
Ninga munyi nya Endu Engkejuang lalu enda chachamang lalu ngambi tulang ikan, lalu diasoh iya nyugu buok iya. “Sugu buok aku tulang tilan, sugu abis, sugu lengis.” Ko Endu Engkejuang.
Tulang tilan lalu nyugu buok iya munyi ti endang diasoh iya. Peda udah nya tak nadai selambar agi buok Endu Engkejuang tinggal, nyau lasu meh buok iya. Meda utai bakanya, iya lalu beguai-guai sereta enggau sabak-sabak ngagai Endu Engkejemu, madah ka buok diri nadai agi tinggal selambar, udah abis disugu tulang tilan.
“Anang ke ngasoh panjai, ngasoh buok aku abis.” Pia ko Endu Engkejuang muchau kediri.
Meda utai udah nyadi bakanya, Endu Engkejemu lalu madah ke iya jalai nyugu.
“Ka agi ila wai, munyi tu nuan ngasoh tulang tilan nyugu buok nuan. Oh! Tulang tilan! Aku minta nuan nyugu buok aku enggau manah awak ka iya mansang panjai merundis galak melesak.” Pia ko Endu Engkejemu ngajar Endu Engkejuang. Ninga munyi nya, nya baru Endu Engkejuang nitih ka ajar Endu Engkejemu.
Enda lama udah bekau nya, Endu Engkejuang tepeda ke lelaki siko ti sigat serta gangam bendar dudok ba ruai sida Endu Engkejemu dia. Tama iya ke bilik, dia iya lalu nelai Endu Engkejemu.
“Oh wai! Sapa lelaki ke sigat bendar gamal dudok ba ruai kita dia?” “Eh wai! Utai ulih aku nempap ari limau rangan.” Pia ko Endu Engkejemu.
Ninga munyi nya Endu Engkejuang lalu beguai-guai pulai. Udah nya iya lalu nyau ngambi daun limau rangan, tang enda milih iya ke manah, iya ke chukup tuai, tak sebarang ambi. Laban ko ati iya, asal nya daun limau deka aja nyadi. Nya alai ambi iya daun ke tuai serta udah bisi charik udah diempa ulat. Daun nya lalu ditempap iya, peda lalu bebali nyadi aki tuai orang. Iya ga tuai, gamal iya ga jai ditambah ka agi enggau ikil nyau penoh tuboh. Meda baka nya Endu Engkejuang lalu mansang ngagai Endu Engkejemu madah ka penyai utai olih iya nempap ari daun limau rangan.
“Nadai aku nemu belaki orang ngenuai nya.” Ko iya madah ngagai Endu Engkejemu serta enggau sabak-sabak. “Kati alai enggi nuan sigat bendar gamal lalu enggi aku jai sereta tuai deh wai?” pia ko iya nanya.
“Kati ko enda pia, nuan ga enda milih-milih daun limau ke manah. Tak ambi sebarang ambi, dini enda bakanya deh utai ulih nuan.” Pia ko saut Endu Engkejemu.
Enda lama udah nya Endu Engkejemu seduai Endu Engkejuang bedurok mantun ba umai seduai. Leboh seduai iya mantun nyamok maioh bendar datai makai seduai iya. Meda bakanya Endu Engkejemu lalu bejako nganu bala nyamok.
“Naka ga kita tu nyamok, deka bendar kita makai darah aku. Uji ambi ka bini kita skali aku tu,” Ko Endu Engkajemu guut-guut bejako. Ninga munyi nya bala nyamok lalu naban ke Endu Engkejemu terebai ngagai rumah Raja Nyamok. Datai din, ba rumah Rajah Nyamok, Endu Engkejemu lalu nyadi bini Raja Nyamok. Nyau kelama udah nya, Endu Engkejemu nyau mansang tusah ati laban iya enggai nyadi pemakai ti diempa sida nyamok. Kitai sama nemu nyamok endang beridup ke darah mensia tauka jelu.
Nya alai iya nyau enda nemu runding agi.
“Enti baka tu mati meh aku tu,” Ko Endu Engkejemu bejako kadiri. Taja iya empu enda enggau Raja Nyamok makai, iya selalu mela laki enggau naka pemanah. Iya enda ngayan ke penusah ati diri ba moa Raja Nyamok. Nyau puas iya ke berunding ka penusah diri, dia iya lalu ngaga diri sakit. Meda iya sakit dia deh Raja Nyamok bekenanas ngiga jalai ngubat iya. Sida iya lalu ngambi manang. Dia deh Endu Engkejemu lalu dipelian ka jaban, dipesaut ka likup, tang anang ke ngasoh iya gerai, ngasoh iya majak balat agi. Udah nya tadi Endu Engkejemu lalu ngaga diri mati.
Meda iya mati, lalu disenggai bala Raja Nyamok enggau cukup gaya serta enggau cukup basa. Diberi Raja Nyamok baiya enggau cukup ngepan, cukup pekayan bansa Iban. Nambah ka nya mega, iya dibaiya enggau setawak, enggau dumbak, enggau bendai, enggau menyarai, enggau engkerumong, enggau guong, enggau benda, enggau cukup tengkira. Nyau maia nganjong antu, Endu Engkejemu lalu dianjong bala nyamok ngagai pendam. Datai din, Endu Engkejemu enda ditumbak, tang diengkah ka sida iya ba atas panggau ke endang udah digaga sida.
Kabuah alai iya enda ditumdak, laban endang nitih ka baka adat Raja Nyamok, samoa turun menurun Raja enggau bini sida iya enda ditumbak enti leboh sida bisi mati, tang diengkah ka ba atas panggau.Lepas nya samoa bala orang ti nganjong antu lalu pulai karumah. Leboh sida udah pulai samoa, Endu Engkejemu lalu ngesai ka diri angkat lalu ngesai ka kain ke dikena Raja Nyamok malut tuboh iya. Udah bungkus tubuh iya tebuka ari tuboh iya, iya lalu pulai ngagai rumah iya empu, lalu mai samoa utai ti udah diberi Raja Nyamok ke baiya iya.
Nyau baka ke pindah gaya pendiau Endu Engkejemu empa pemaioh utai dibai iya. Datai iya dirumah sida, orang lalu begau ka utai ti dibai iya. Bala sida sarumah lalu nanya iya, dini alai iya bulih utai ngemaioh nya. Iya lalu madah ngagai sida, samoa utai nya olih iya belaki Raja Nyamok.
Ninga rita nya, Endu Engkejuang laban iya enggai alah laban orang lalu sengit-sengit, lalu nurun ka umai, minta bai nyamok awak ka bolih pengeraja baka enggi Endu Engkejemu.
Datai iya dumai endang baka selama, maioh nyamok nutu serta makai iya. Meda bakanya iya lalu bejako. “Eh nyamok! Deka bendar kita makai aku tu. Ambi ke bini kita skali aku tu nyah.” Ko iya.
Ninga munyi nya, nyamok lalu naban ka iya pulai ngagai rumah Raja sida iya. Datai din Endu Engkejuang lalu diambi Raja Nyamok ka bini iya. Nyau maia orang ti berapi apa indah, Endu Engkejuang lalu begiga ka beras, tang iya nadai nemu beras seleka. Samoa benda enggau tibang dipeda iya penoh laban darah magang.
Kati ko enda bakanya, nya ga endang pemakai nyamok, baka padi ti endang pemakai kitai. Laban iya ke enda liat ati baka Endu Engkejemu, iya lalu ngeransi laki iya Raja Nyamok, ko iya, “Nadai apai aku kala ngajar aku makai darah baka kita tu. Ukai orang tau enggau begulai sejalai baka kita tu.”
Ninga ransi bini iya munyi nya Raja Nyamok lalu ringat sereta pedis ati ngagai Endu Engkejuang. “Nuan tu meri aku malu ba moa seribu, sereta lalu mechat pemakai kami, nya alai nuan kena ukom, dibuai ari menoa tu.” Ko Raja Nyamok nganu Endu Engkejuang. Ka pengujung nya tadi Raja Nyamok lalu ngasoh anembiak iya nanchang kaki-jari Endu Engkejuang lalu narit iya ngagai menoa sunyi didalam kampong din.
Iya lalu ditinggal ka nyamok didalam kampong kadiri, udah nya sida lalu pulai karumah. Nyau kapuas tudah Endu Engkejuang ke engkasak kakiba, engkasak kakanan, nya baru tanchang jari enggau kaki iya tebuka serta lalu merubus ari tuboh iya. Iya lalu beguai-guai mulai ka diri ngagai rumah sida empu enggau naka pemedis ati. Tubuh iya nyau abis malui sereta generam bekau pantang bala nyamok. Datai iya dirumah, sida sarumah lalu begau meda iya nyau nadai temu gamal agi. Anang ka bulih utai mesai bulu mata, nyema jako, kain ba punggung enggau baju ba tubuh deh abis ridang.
Ka pengujung iya, jerita tu tau bendar pulai ngagai ajar kena kitai ngadu ka pengelikun pendiau diri, lebih agi ba sanentang sida ka agi dara biak, ke benong agi belajar dalam sekula secondary. Enti kita ngerja pengawa sakula, kita anang enda ngerja pengawa kita enggau manah. Anang semina ngudah serta muntang ka pengawa diri empu pia aja enggai ka jemah ila, pendiau tauka pengidup kita pan bakanya. Adu ka pendiau serta perangai kita nitih ka pemandai ti ulih kitai ari skula.
ensera tu digumpul aku ari internet..
Nyadi sekali dulu kalia di menoa ti dikumbai Lubok Meram Lansar Kerangan Betumpu Man enggau Rantau Rutan, ti endang diwan Raja Ganali enggau Bunsu Ikan, bisi dua iko indu benong dara, benong beramban mansang. Nama seduai nya, siko benama Endu Engkejemu lalu nama siko Endu Engkejuang. Gamal seduai sama bajik, tang iya ke lebih agi bajik nya Endu Engkejemu. Lalu ba pasal penemu enggau pengelikun pendiau serta enggau pengelandik ngereja samoa macham pengawa pan enda mega telaban ka Endu Engkejemu.
Nyadi Endu Engkejuang tu jauh lain agi perangai enggau gaya. Iya cherdit bendar bejako sereta ketik-ketik pendiau enggau tak gilik-gilik gamal, reti nya linggar-linggar agi ari Endu Engkejemu. Enti temuai bisi datai, dudi orang bukai, dulu iya datai nunga. Iya ke bendar Endu Engkejuang endang sigi jegit ari samoa sida ti sama sarambau.
Ba pasal ngereja pengawa iya endang enggai alah laban orang. Ni pengawa endang diuji iya magang, tang gamal utai digaga iya nadai tentu menuku. Samina nama tembu. Ti numboh ka pengawa iya enggai dudi. Ko ati iya, awak ka tembu dulu ari enggi orang. Tang suah pengawa iya nya tadi lalu enda tembu.
Nyadi sekali leboh Endu Engkejemu seduai Endu Engkejuang benong mandi, dia Endu Engkejuang nanya Endu Engkejemu. “Nama utai kena ngasoh buok panjai awak ke sabaka enggau enggi nuan, wai?” ko Endu Engkejuang.
“Eh! Wai, nadai nya bisi utai macham-macham dikena aku deh wai sulu, semina diasoh aku sugu tulang tilan.” Pia ko Endu Engkejemu nyaut.
Ninga munyi nya Endu Engkejuang lalu enda chachamang lalu ngambi tulang ikan, lalu diasoh iya nyugu buok iya. “Sugu buok aku tulang tilan, sugu abis, sugu lengis.” Ko Endu Engkejuang.
Tulang tilan lalu nyugu buok iya munyi ti endang diasoh iya. Peda udah nya tak nadai selambar agi buok Endu Engkejuang tinggal, nyau lasu meh buok iya. Meda utai bakanya, iya lalu beguai-guai sereta enggau sabak-sabak ngagai Endu Engkejemu, madah ka buok diri nadai agi tinggal selambar, udah abis disugu tulang tilan.
“Anang ke ngasoh panjai, ngasoh buok aku abis.” Pia ko Endu Engkejuang muchau kediri.
Meda utai udah nyadi bakanya, Endu Engkejemu lalu madah ke iya jalai nyugu.
“Ka agi ila wai, munyi tu nuan ngasoh tulang tilan nyugu buok nuan. Oh! Tulang tilan! Aku minta nuan nyugu buok aku enggau manah awak ka iya mansang panjai merundis galak melesak.” Pia ko Endu Engkejemu ngajar Endu Engkejuang. Ninga munyi nya, nya baru Endu Engkejuang nitih ka ajar Endu Engkejemu.
Enda lama udah bekau nya, Endu Engkejuang tepeda ke lelaki siko ti sigat serta gangam bendar dudok ba ruai sida Endu Engkejemu dia. Tama iya ke bilik, dia iya lalu nelai Endu Engkejemu.
“Oh wai! Sapa lelaki ke sigat bendar gamal dudok ba ruai kita dia?” “Eh wai! Utai ulih aku nempap ari limau rangan.” Pia ko Endu Engkejemu.
Ninga munyi nya Endu Engkejuang lalu beguai-guai pulai. Udah nya iya lalu nyau ngambi daun limau rangan, tang enda milih iya ke manah, iya ke chukup tuai, tak sebarang ambi. Laban ko ati iya, asal nya daun limau deka aja nyadi. Nya alai ambi iya daun ke tuai serta udah bisi charik udah diempa ulat. Daun nya lalu ditempap iya, peda lalu bebali nyadi aki tuai orang. Iya ga tuai, gamal iya ga jai ditambah ka agi enggau ikil nyau penoh tuboh. Meda baka nya Endu Engkejuang lalu mansang ngagai Endu Engkejemu madah ka penyai utai olih iya nempap ari daun limau rangan.
“Nadai aku nemu belaki orang ngenuai nya.” Ko iya madah ngagai Endu Engkejemu serta enggau sabak-sabak. “Kati alai enggi nuan sigat bendar gamal lalu enggi aku jai sereta tuai deh wai?” pia ko iya nanya.
“Kati ko enda pia, nuan ga enda milih-milih daun limau ke manah. Tak ambi sebarang ambi, dini enda bakanya deh utai ulih nuan.” Pia ko saut Endu Engkejemu.
Enda lama udah nya Endu Engkejemu seduai Endu Engkejuang bedurok mantun ba umai seduai. Leboh seduai iya mantun nyamok maioh bendar datai makai seduai iya. Meda bakanya Endu Engkejemu lalu bejako nganu bala nyamok.
“Naka ga kita tu nyamok, deka bendar kita makai darah aku. Uji ambi ka bini kita skali aku tu,” Ko Endu Engkajemu guut-guut bejako. Ninga munyi nya bala nyamok lalu naban ke Endu Engkejemu terebai ngagai rumah Raja Nyamok. Datai din, ba rumah Rajah Nyamok, Endu Engkejemu lalu nyadi bini Raja Nyamok. Nyau kelama udah nya, Endu Engkejemu nyau mansang tusah ati laban iya enggai nyadi pemakai ti diempa sida nyamok. Kitai sama nemu nyamok endang beridup ke darah mensia tauka jelu.
Nya alai iya nyau enda nemu runding agi.
“Enti baka tu mati meh aku tu,” Ko Endu Engkejemu bejako kadiri. Taja iya empu enda enggau Raja Nyamok makai, iya selalu mela laki enggau naka pemanah. Iya enda ngayan ke penusah ati diri ba moa Raja Nyamok. Nyau puas iya ke berunding ka penusah diri, dia iya lalu ngaga diri sakit. Meda iya sakit dia deh Raja Nyamok bekenanas ngiga jalai ngubat iya. Sida iya lalu ngambi manang. Dia deh Endu Engkejemu lalu dipelian ka jaban, dipesaut ka likup, tang anang ke ngasoh iya gerai, ngasoh iya majak balat agi. Udah nya tadi Endu Engkejemu lalu ngaga diri mati.
Meda iya mati, lalu disenggai bala Raja Nyamok enggau cukup gaya serta enggau cukup basa. Diberi Raja Nyamok baiya enggau cukup ngepan, cukup pekayan bansa Iban. Nambah ka nya mega, iya dibaiya enggau setawak, enggau dumbak, enggau bendai, enggau menyarai, enggau engkerumong, enggau guong, enggau benda, enggau cukup tengkira. Nyau maia nganjong antu, Endu Engkejemu lalu dianjong bala nyamok ngagai pendam. Datai din, Endu Engkejemu enda ditumbak, tang diengkah ka sida iya ba atas panggau ke endang udah digaga sida.
Kabuah alai iya enda ditumdak, laban endang nitih ka baka adat Raja Nyamok, samoa turun menurun Raja enggau bini sida iya enda ditumbak enti leboh sida bisi mati, tang diengkah ka ba atas panggau.Lepas nya samoa bala orang ti nganjong antu lalu pulai karumah. Leboh sida udah pulai samoa, Endu Engkejemu lalu ngesai ka diri angkat lalu ngesai ka kain ke dikena Raja Nyamok malut tuboh iya. Udah bungkus tubuh iya tebuka ari tuboh iya, iya lalu pulai ngagai rumah iya empu, lalu mai samoa utai ti udah diberi Raja Nyamok ke baiya iya.
Nyau baka ke pindah gaya pendiau Endu Engkejemu empa pemaioh utai dibai iya. Datai iya dirumah sida, orang lalu begau ka utai ti dibai iya. Bala sida sarumah lalu nanya iya, dini alai iya bulih utai ngemaioh nya. Iya lalu madah ngagai sida, samoa utai nya olih iya belaki Raja Nyamok.
Ninga rita nya, Endu Engkejuang laban iya enggai alah laban orang lalu sengit-sengit, lalu nurun ka umai, minta bai nyamok awak ka bolih pengeraja baka enggi Endu Engkejemu.
Datai iya dumai endang baka selama, maioh nyamok nutu serta makai iya. Meda bakanya iya lalu bejako. “Eh nyamok! Deka bendar kita makai aku tu. Ambi ke bini kita skali aku tu nyah.” Ko iya.
Ninga munyi nya, nyamok lalu naban ka iya pulai ngagai rumah Raja sida iya. Datai din Endu Engkejuang lalu diambi Raja Nyamok ka bini iya. Nyau maia orang ti berapi apa indah, Endu Engkejuang lalu begiga ka beras, tang iya nadai nemu beras seleka. Samoa benda enggau tibang dipeda iya penoh laban darah magang.
Kati ko enda bakanya, nya ga endang pemakai nyamok, baka padi ti endang pemakai kitai. Laban iya ke enda liat ati baka Endu Engkejemu, iya lalu ngeransi laki iya Raja Nyamok, ko iya, “Nadai apai aku kala ngajar aku makai darah baka kita tu. Ukai orang tau enggau begulai sejalai baka kita tu.”
Ninga ransi bini iya munyi nya Raja Nyamok lalu ringat sereta pedis ati ngagai Endu Engkejuang. “Nuan tu meri aku malu ba moa seribu, sereta lalu mechat pemakai kami, nya alai nuan kena ukom, dibuai ari menoa tu.” Ko Raja Nyamok nganu Endu Engkejuang. Ka pengujung nya tadi Raja Nyamok lalu ngasoh anembiak iya nanchang kaki-jari Endu Engkejuang lalu narit iya ngagai menoa sunyi didalam kampong din.
Iya lalu ditinggal ka nyamok didalam kampong kadiri, udah nya sida lalu pulai karumah. Nyau kapuas tudah Endu Engkejuang ke engkasak kakiba, engkasak kakanan, nya baru tanchang jari enggau kaki iya tebuka serta lalu merubus ari tuboh iya. Iya lalu beguai-guai mulai ka diri ngagai rumah sida empu enggau naka pemedis ati. Tubuh iya nyau abis malui sereta generam bekau pantang bala nyamok. Datai iya dirumah, sida sarumah lalu begau meda iya nyau nadai temu gamal agi. Anang ka bulih utai mesai bulu mata, nyema jako, kain ba punggung enggau baju ba tubuh deh abis ridang.
Ka pengujung iya, jerita tu tau bendar pulai ngagai ajar kena kitai ngadu ka pengelikun pendiau diri, lebih agi ba sanentang sida ka agi dara biak, ke benong agi belajar dalam sekula secondary. Enti kita ngerja pengawa sakula, kita anang enda ngerja pengawa kita enggau manah. Anang semina ngudah serta muntang ka pengawa diri empu pia aja enggai ka jemah ila, pendiau tauka pengidup kita pan bakanya. Adu ka pendiau serta perangai kita nitih ka pemandai ti ulih kitai ari skula.
ensera tu digumpul aku ari internet..
LAPA KITAI NADAI SYSTEM NAMA?
KATI KITAI NADAI SYSTEM NAMA KEDIRI
DIKENA NGAGA NAMA ANAK KITAI, NGAMBI KE
DITEMU PURIH PANTIH..BAKA NGI CINA..
ENTI URANG NANYA..
Sapa nama nuan Uchak?
Ditu aku deka ngenang siti ari identity kitai Dayak, kelebih agi bansa Iban ti udah majak enda dikembuan, ia nya NAMA. Nyau maioh se-maioh bansa kitai ngena nama urang putih. Sekeda ke bisi dua nama; Iban enggau urang putih, suah agi introduce ke diri empu tauka anak sida ngena nama urang putih. Semina madah ke nama Iban sida maia dipinta madah. Reti nya, nama urang putih nya nama bendar tauka nama ti dikerindu ka sida lalu nama Iban nya nama sambilan tauka nama semadi.
"Sapa nama anak nuan Jang?""Andression Augustine""Bisi nama Iban iya Jang?""Bisi ga""Sapa nama Iban iya deh Jang?""Andin"
Sekeda malu ke nama Iban. Sekeda nadai nama Iban. Agi aku ingat ke rambau agi biak suba, enti nadai nama urang putih nya dikumbai urang tinggal pemansang, out-dated, ketinggalan zaman.
Nama kebuah maioh kitai bansa enda ngemeran, ngembuan serta ngayan ke nama bansa? Nama kebuah kitai nge-enggai ke nama diri? Aku nemu nya pilih siko-siko (personal preference), tang lapa milih nama bansa urang putih? Nama kebuah rindu agi ke nama bansa bukai lebih ari nama bansa diri? Sinu ngenang nama bansa enda dikena bansa kitai. Sayau meh nama bansa kitai lenyau ngapa lenyau pia, ketegal kitai empu.
Nyangka sida ke ngena nama urang putih tu enda nemu nama Iban ti kena asai. Nadai tetemu ke nama Iban ti dikerindu ke ati. Nadai nama kitai Iban ti setipak ba gamal sida. Nyangka laban idong iya bisi manchung mimit, mata iya bisi biru puda. Nyangka nya malu ditemu urang Iban.
Enda iboh ga kitai bejurai panjai ke utai kia. Diatu kitai berandau ke nama kabuah kitai patut ngembuan, ngerengkun, ngena nama kitai. Saut ti puntang - kitai ga Iban mesti benama Iban meh..
Tiap-tiap utai bisi kelaiq tauka identity. Ngambi ke enda charut. Senang digiga. Ngambi ke nyamai digempong, mudah digelumu. Ni nemu, ila lusa kitai beguna ke pangan diri. Enti meruan kelaiq, senang digiga. Nama tu meh siti ari kelaiq kitai bansa ti mudah di-ibun, senang dikembuan. Pia mega iya ulih kena mansik turun menurun enti meruan diatur. (systematically).
Ke maia ari tu, kitai enda agi bekena ke ngepan kitai bansa laban nitih ke ubah pemansang dunya. Enda tentu nyamai serta malu asai ga kitai enti bangat nyelaiq ari urang maioh; urang betanchut jean biru, kitai besirat merah; urang begaun, kitai bekain kebat; urang bebaju kot, kitai bebaju ke gagong. Pia mega kitai nadai agi ngemeran ke sekeda fashion kelia laban enda tentu deka nyadi; baka ngeli belancham, belubang pending enggi sida ke lelaki, bepantang rekong enggau bok be-iko kempat sudap.
Agi kelia tauka empai tentu bangat lama ke udah, kitai Dayak ngaga nama anak ngangkat ke nama turun menurun urang tuai ti beberita sereta gayu. Kitai maia nya bisi bendar pengarap ke nama tau nentu ka gaya pengidup sida ti empu nama nya, kelebih agi ba pengerai. Enti anak mit nya udu sakit, dia nama iya deka ditukar. Kemaia ari tu, kitai enda ulih nukar nama anak sebarang ketegal surat peranak. Tambah mega kitai diatu nadai agi arap ke utai kia.
Kediatu, kitai patut bisi system ka nama kitai, baka bansa china tauka urang putih. System ti ngam agi, nya baka enggi urang putih. Sekeda kitai diatu udah bekena ke system nya, baka Chuat, Garai enggau Kana. Nama urang putih bisi nama pun, nama tengah enggau nama ujong. Ngambi ke chunto, Elvis Aaron Presley. Elvis nya nama pun, Aaron nya nama tengah lalu Presley nya nama ujong. Semua turun iya ngembuan nama ujong ti sama, iya nya Presley. Nama ujong nya mega dikumbai sida nama turun-menurun. Nama tengah enda tentu dikemeran lalu tau enda iboh dikena tauka digaga. Baka Micheal Jackson.
Bisi ga sekeda madah ke munyi enda tentu ngam, enti nama Iban disebut keterubah. Baka Aman Johnny enda ngemanah Johnny Aman. Nya ko aku laban sida enda tentu rindu ke nama Iban. Kedalih. Nya alai tak nyelaiq munyi. Enti sigi ka, pilih ga nama ti setipak munyi.
Baka Aman John. Sengalang Brown. Brayun Springteen. Kumang Hazel. Lulong Dion. Uchak David.
Pulai ngagai system ngaga nama kitai Iban, giga lalu gaga meh nama ujong tauka nama turun-menurun bala anak kitai lalu nama nya patut bendar digaga ke kitai nama asal kitai Iban. Giga-tanya ke nama aki, tauka nama aki sida apai-indai. Kitai tau belaboh ngena nama apai kitai empu enti nama nya nama asal kitai Iban.
Nama tengah enggau nama pun, nya barang ko kitai meh milih. Amat meh kitai bisi nama turun-menurun. Diatu maioh kitai bansa bisi pengarap enggau nama Kristian. Ba penemu aku, manah bendar enti kitai ulih ngaga nama pun nya nama Iban lalu nama tengah nya nama Kristian. Kitai selalu bekelala tauka madah ke diri ngena nama pun. Laban kitai endang Iban, nya alai patut bendar kitai ngembuan nama Iban ke nama pun, kena kitai madah ke diri.. Nyau nyema ba anak diri empu ti diberi aku nama Panggau Noel Chuat.
Enti semua kitai bansa ngena system ti udah dipadah ke aku nya tadi, nama kitai bansa enda lenyau. Nama nya meh siti senyata kena kitai ngetan ke bansa. Kena kitai ngelaiq bansa kitai. Kitai mudah begempong laban kitai nemu sapa ti patut digempong.
Enti kitai rindu ke bansa diri serta enda malu ditemu urang bansa Iban, nadai kebuah ga kitai enda milih nama bansa Iban..
Aku arap ke kitai bansa ke rebak diatu enggau ke jemah ila, ngembuan-ngemeran ka nama Iban ke nama turun enggau nama pun. Aku mega ngarap ke bansa Dayak bukai bekena ke system nya tadi.
Enti kelaiq kitai sama tibak, amat meh enda serumah, seperabong meh asai.Enti tungkat kitai sama entak, amat meh enda sama pejalai, kitai nemu diri sama penatai.
Friday, April 11, 2008
NGIGA AKU
NGIGA AKU
LUMBOR TALIPAUN BINCHING.- 0128590195
EMAIL; drlands87@gmail.com
Email kedua; jusmel_jj@yahoo.com.my
SAPA KITA BISI RUNDING KA BA NGI AKU, TAU EMAIL KA AJA NGAGAI EMAIL AKU NYA..TRIMA KASIH
NYANGKA BISI ATI DEKA BEKELALA ENGGAU AKU..TAU MEGA..ASAL AJA UKAI INDAI URANG...
LUMBOR TALIPAUN BINCHING.- 0128590195
EMAIL; drlands87@gmail.com
Email kedua; jusmel_jj@yahoo.com.my
SAPA KITA BISI RUNDING KA BA NGI AKU, TAU EMAIL KA AJA NGAGAI EMAIL AKU NYA..TRIMA KASIH
NYANGKA BISI ATI DEKA BEKELALA ENGGAU AKU..TAU MEGA..ASAL AJA UKAI INDAI URANG...
PANSIK BULA AKU-ULAH KEDALIH
ULAH PENDIAU KITAI IBAN TI ENDA TENTU MANAH DIKERJA
1.Maya nurun ngalu ke pasar, ketegal rindu ka meda bala cina bejual, tang nadai utai dibeli.
Ngalu- reti nya orang ti nurun ke pasar..
TANYA......
Enti ditanya nama pengawa ngalu punggal?
SAUT;
· Dia ia nyaut -cina bisi talipon enda tau enda ngalu
· tauka madah kediri-enda alah kumbai cina sumbong kitai
· Apek bisi mesan rindu ka betemu.
BISI SEKEDA NYAUT :
· rindu ka makai kolo mee apek kia
· ka meli tiket TOTTI aja, manah endar mimpi demalam
· ka meli surat kabar ( peda urang deka macha berita tang kebendar ka ngechik no TOTTI)
ENDA KURANG GA MADAH :
· Rindu ka talipon ngagai sida dom enggau endu.
· Tauka madah kediri deka nganti sida dom/endu talipon.
2.Kedalih ka enggau urang nurun ngabang.Enggai ka ditagang.
TANYA......
Enggau urang ngabang bakih? Tauka nama kebuah nuan enggau punggal?
SAUT:
· Eh sigi dipesan ke sida nama aku
· Enda nyadi program enti nadai aku.
· Enti aku tu enda sapa agi kitai serumah tu ka enggau deh, aku tu sigi rajin.
· Enda rami sida enti aku.
BISI MEGA NYAUT
· Rindu ka enggau urang nyabung, lama amat udah enda..mali urang penyabung baka aku tu enda enggau..
· Rindu deka bekaban enggau urang mayuh, meda kaban belayan
· Nama aku sigi bisi dirintai ka sida urang penting..ahli J3K..
· Enti agi bujang, deka ngabas sulu lama aku ba rumah ke nyadi nya..
· Enti agi bujang, Oo, endang sigi pengawa urang bujang deh nya..
· Enti agi bujang, nyangka bulih sulu kini..
· Enti apai urang, ngumbai diri malas uti..tauka lelenggau ka kaban lama..
· Enti sida ke dara, madah kediri deka nulong urang bebela ba dapur..kedalih aja.
· Enti saut sida ke lelaki, rindu deka disko, dangdut ,ngansar ke kaki enggau deka karoke..
ENDA KURANG GA MADAH;
· Bisi YB datai, enda tau enda aku.. enggai ia mantu kitai enti kitai nadai dipeda YB.
· Bisi penanyi (penyanyi) aya bebini dua datai merindang,penanyi achan..enda tau mis aku..aku peminat ia.
· Mayuh jani bunuh sida, aku enti makai nombor satu.. enti sebut ke jani..anang madah ka..
3.enti maya enggai nurun gawa..ketegal deka ngaga pengawa bukai..
enti sida nembiak ketegal ke meda cerita kartun. Enti sida ke dara ketegal ke meda cerita hindi..sida ke bujang ke meda GUSTI.
TANYA.
Aram nurun gawa kitai..
SAUT
· Enda nyamai isi tu.
· Empai ka tu.. lagi aku nitih dudi..dulu mupuk nuan..
BISI MEGA NYAUT
· Gawa berari enda nemu lelak ka..
· Enti sida kedara nyaut- madah kediri empai tembu bebasu gari, madah kediri ka ngiga lauk meh nya..tauka, kaban bisi ngemai bejalai lemai legi.
· Sida ke dara bisi mega madah- enggai ka chelum kulit, legi nadai pemajik..
ENDA KURANG GA MADAH
· Oo enda entu manah mimpi aku tu demalam.
· Bisi apument ( appointment) aku sari tu..
· Nama ukai cuti ka saritu..
· Ujung minggu ka relax ar..
4.maya kitai dipinta urang mayuh bejaku ba depan mantai ke penemu enggau lalau..
PINTA;
Dikena kitai nerus ka program.Au, diatu kitai ngangkat ka aya sanu bejaku ke depan kitu.ngambi ke bisi ngelalau kitai baka ka saritu.. Tempik ka jari..
SAUT..(leka jaku ia)
· sebedau aku bejaku , aku meri besai trima kasih ngagai kitai sehumah, laban udah ngangkat aku bejaku. Aku enda tentu nemu bejaku tu, nguji ga..tak nadai penemu aku tu eh..nya aja meh, ngawak ka urang bukai ga..(kumen- jaku enda tentu betul).
· Terima kasih, aku tu bedau mabuk tu..taja tadi udah ngelaban cap langkau. ( enti mabuk ngaku aja meh )
· Tak nadai runding aku..ka pan enda, bejaku dua tiga leka ga aku..sebedau aku bejaku panjai,....bla bla..
Lalau; enti kitai diasuh bejaku, tusun leka jaku kitai anang nunda leka jaku baka ka ditulis aku atas nya..
1.Maya nurun ngalu ke pasar, ketegal rindu ka meda bala cina bejual, tang nadai utai dibeli.
Ngalu- reti nya orang ti nurun ke pasar..
TANYA......
Enti ditanya nama pengawa ngalu punggal?
SAUT;
· Dia ia nyaut -cina bisi talipon enda tau enda ngalu
· tauka madah kediri-enda alah kumbai cina sumbong kitai
· Apek bisi mesan rindu ka betemu.
BISI SEKEDA NYAUT :
· rindu ka makai kolo mee apek kia
· ka meli tiket TOTTI aja, manah endar mimpi demalam
· ka meli surat kabar ( peda urang deka macha berita tang kebendar ka ngechik no TOTTI)
ENDA KURANG GA MADAH :
· Rindu ka talipon ngagai sida dom enggau endu.
· Tauka madah kediri deka nganti sida dom/endu talipon.
2.Kedalih ka enggau urang nurun ngabang.Enggai ka ditagang.
TANYA......
Enggau urang ngabang bakih? Tauka nama kebuah nuan enggau punggal?
SAUT:
· Eh sigi dipesan ke sida nama aku
· Enda nyadi program enti nadai aku.
· Enti aku tu enda sapa agi kitai serumah tu ka enggau deh, aku tu sigi rajin.
· Enda rami sida enti aku.
BISI MEGA NYAUT
· Rindu ka enggau urang nyabung, lama amat udah enda..mali urang penyabung baka aku tu enda enggau..
· Rindu deka bekaban enggau urang mayuh, meda kaban belayan
· Nama aku sigi bisi dirintai ka sida urang penting..ahli J3K..
· Enti agi bujang, deka ngabas sulu lama aku ba rumah ke nyadi nya..
· Enti agi bujang, Oo, endang sigi pengawa urang bujang deh nya..
· Enti agi bujang, nyangka bulih sulu kini..
· Enti apai urang, ngumbai diri malas uti..tauka lelenggau ka kaban lama..
· Enti sida ke dara, madah kediri deka nulong urang bebela ba dapur..kedalih aja.
· Enti saut sida ke lelaki, rindu deka disko, dangdut ,ngansar ke kaki enggau deka karoke..
ENDA KURANG GA MADAH;
· Bisi YB datai, enda tau enda aku.. enggai ia mantu kitai enti kitai nadai dipeda YB.
· Bisi penanyi (penyanyi) aya bebini dua datai merindang,penanyi achan..enda tau mis aku..aku peminat ia.
· Mayuh jani bunuh sida, aku enti makai nombor satu.. enti sebut ke jani..anang madah ka..
3.enti maya enggai nurun gawa..ketegal deka ngaga pengawa bukai..
enti sida nembiak ketegal ke meda cerita kartun. Enti sida ke dara ketegal ke meda cerita hindi..sida ke bujang ke meda GUSTI.
TANYA.
Aram nurun gawa kitai..
SAUT
· Enda nyamai isi tu.
· Empai ka tu.. lagi aku nitih dudi..dulu mupuk nuan..
BISI MEGA NYAUT
· Gawa berari enda nemu lelak ka..
· Enti sida kedara nyaut- madah kediri empai tembu bebasu gari, madah kediri ka ngiga lauk meh nya..tauka, kaban bisi ngemai bejalai lemai legi.
· Sida ke dara bisi mega madah- enggai ka chelum kulit, legi nadai pemajik..
ENDA KURANG GA MADAH
· Oo enda entu manah mimpi aku tu demalam.
· Bisi apument ( appointment) aku sari tu..
· Nama ukai cuti ka saritu..
· Ujung minggu ka relax ar..
4.maya kitai dipinta urang mayuh bejaku ba depan mantai ke penemu enggau lalau..
PINTA;
Dikena kitai nerus ka program.Au, diatu kitai ngangkat ka aya sanu bejaku ke depan kitu.ngambi ke bisi ngelalau kitai baka ka saritu.. Tempik ka jari..
SAUT..(leka jaku ia)
· sebedau aku bejaku , aku meri besai trima kasih ngagai kitai sehumah, laban udah ngangkat aku bejaku. Aku enda tentu nemu bejaku tu, nguji ga..tak nadai penemu aku tu eh..nya aja meh, ngawak ka urang bukai ga..(kumen- jaku enda tentu betul).
· Terima kasih, aku tu bedau mabuk tu..taja tadi udah ngelaban cap langkau. ( enti mabuk ngaku aja meh )
· Tak nadai runding aku..ka pan enda, bejaku dua tiga leka ga aku..sebedau aku bejaku panjai,....bla bla..
Lalau; enti kitai diasuh bejaku, tusun leka jaku kitai anang nunda leka jaku baka ka ditulis aku atas nya..
PANSIK BULA AKU@ULAH JADI MELAKI BINI
ULAH MAYA JADI MELAKI BINI.
MAYA NURUN KEPASAR;
MAYA BARU JADI ( pengerindu agi dalam)
BINI: wai sulu , raun- raun tua suping (shopping)
LAKI: au sulu..di rumah buring ga.. ( nadai duit turun meh)
10 TAUN UDAH JADI
BINI: apai igat, kepasar bejalai kitai menyanak suping..
LAKI: lembau endar aku tu, lelah kerja.. nya kunci karita, kita aja lah.
LAMA DAH JADI
BINI: apai igat, kepasar bejalai kitai suping..
LAKI: nama suping-suping, nadai pegawa bukai pia.
MAYA NURUN KEPASAR.
MAYA BARU JADI
BINI: sulu makai ba KFC ulih ka..
LAKI: ok. No problem, lama dah enda kia..
10 TAUN UDAH JADI
BINI: sulu makai ba KFC ulih ka..
LAKI: ila meh, empai terima tu..
LAMA DAH JADI ( nyu enda tan agi)
BINI: sulu makai ba KFC ulih ka..
LAKI: tak kerja KFC sekali neh, ka endar makai kia.
MAYA NGEMAS RUMAH.
BARU JADI ( agi rindu )
BINI: daling nuan nyapu, aku masu gari..nuan nyaga anak aku manduk asi..
LAKI: ok no problem ( jaku ribai amat pan enda tentu nemu)
10 TAUN DAH JADI ( semadi)
BINI: daling nuan nyapu, aku masu gari..nuan nyaga anak aku mandu asi..
LAKI: enda meda aku lelah naun..legi meh..
LAMA DAH JADI (nadai pengerindu agi)
BINI: daling nuan nyapu, aku masu gari..nuan nyaga anak aku mandu asi..
LAKI:Nama daling-daling, nama nyu enda nemu gawa agi pia.. (nganu)
MAYA MAKAI LEMAI
BARU JADI
BINI: Sulu lemai tu makai ba resturen au ?
LAKI: Au..
10 TAU DAH JADI
BINI: Sulu lemai tu makai ba resturen au ?
LAKI: nama agi bisi lauk ba dapur deh, sayau enda dempa
LAMA DAH JADI
BINI: Sulu lemai tu makai ba resturen au ?
LAKI: Lapa enda jadi terus enggau mamak kedai nya deh.. (nganu)
HADIAH
BARU JADI ( agi sayau)
BINI: Maya ari pengada aku , nama hadiah nuan wai sulu ?
LAKI: nama utai dikedeka nuan..
10 TAUN DAH JADI ( pengerindu dah kurang, bisi ati ka ngiga spil tayar)
BINI: Maya ari pengada aku , nama hadiah nuan wai sulu ?
LAKI: 10 taun dah ku meli ke nuan, nama enda cukup agi pia?
LAMA JADI ( nadai ati sayau agi, enti ulih, ka tukar aja)
BINI: Maya ari pengada aku , nama hadiah nuan wai sulu ?
LAKI: ka tampar pia..meli kediri ar..udah utai enda ibuh bePRISEN-PRISEN..
NAKA TU AJA DULU, ILA AKU NYAMBUNG PANJAI KA AGI ,,
ANTI MEH PENATAI ULAH KITAI MELAKI BINI..
UKAI DEKA NYERIRI SAPA-SAPA..TANG KA LALAU KITAI,..
ENTI ASAI BISI NGENA AKU MINTA AMPUN..
PANSIK BULA AKU-ENDA TAU
25 ulah enda tau digaga maya ke dariba karita !!
Ngantuk sampai ke pala nyau tagun-tagun, au-au belama.
Muchau-muchau ngumbai dariba bukai enda nemu nyuwing ka karita.
Nyumpah sida lampu tripic, kumbai salah pasang ngacau jalai tauka muai belanja.
Nyumpah sida bala polis laban kelalu ngumba nyaga jalai nanya ke lesen belama, nama nadai pengawa bukai.
Ngidup ke lampu peneka ati, enggai ke enda kumbai orang bukai nadai api lawa kijab-kijab.ku ati din rindu meh orang meda.
ngehon- ngehon ke karita, nuda munyi kapal tungkang, enggai ke enda didinga..laban nadai radio.
Betalipaun maya dariba, ngisin nunda sida mat rempit, ambi kumbai orang staring, amat pan ngena henpun sikinhen ( second hand).
Muka cermin lalu ngeludah ke tisi, nunda skill sida ribai , KUBOI ku jaku.
Ngayan ke buku lima ngagai orang bukai, nunda samseng. Mantai pengering, tang pulai ke rumah takut ke bini.
ngetest pengering karita ,lalu lantak ke ngagai lampu tripik.
empekik nunda orang gila.. munyi antu kurir.
Nguji niru gaya mr bean, nukar tancut maya driba.
Enggai alah laban mr bean, merus ngeli maya driba, lalu empuru ngena ai cermin karita tauka ai enjin karita.
Nginjau talipon bincing driba bukai, madah kediri nadai kredit.
nguntik indai orang pulai ari pasar sebelah jalai.
Makai mee Maggie, lalu ngirup teh tarik.
berjoget nitih ke rentak lagu hindi..
nyabut bulu idung, dah nya nyeput tai idung.
Talipon ngagai bos ngumbai gamal ia jai..
PAKING ba endur ti ditulis ”kawasan larangan”.
ngena giya satu belama. Ku ati jimat minyak. BIAR LAMBAT ASAL SELAMAT.
meda cermin belama, madah kediri sigat/bajik baka palakun hindi.
ngena cermin mata chelum maya malam..
gustan kebelakang peneka ati..baka palakun ribai..
enggai alah pengelaju laban orang bukai, nekan giar penapat..
LALAU AKU...ANANG PECAYA KE UTAI TULIS AKU DATAS DIA..
NYA SEMINA KENA RINDU ATI AJA..ANANG NGANU AU..JAKU GAGAI AJA NYAK..
PANSIK BULA AKU
PANSIK BULA AKU..haha..
Anang percaya..
Lapa nuan nadai tawing, ambai tauka sulu ati ?? .. nguntik belama meh nya tang nadai kala bulih. Puas udah enggau urang ngabang nadai ga bulih sulu ati. Ditu rintai kebuah nuan enda diterima sida indu dara..
Dituju ngagai sida lelaki aja..25 kebuah nuan enda diterima.
1. Nyangka nuan sigi enda laku kini ( nadai endur ngait ka ati urang indu )
2. Bisi kurap kini sebelah tubuh, dagu, kuyu, dagu kini ( orang indu takut kena rampit)
3. Lumpit nuan peda enda mampi/penuh tiap bulan ( selalu nginjau duit apai indai)
4. Ukai urang ngena tupi singit tauka nangkin pen ba kucik baju kini ( lagu maxwell)
5. Nadai kereta,moto, nadai talipon bincing, nadai kad kredit..( nadai reta / milih pengaya)
6. Ukai urang kereja perintah..( kerja sawit kini, enda dipalik ka)
7. Nuan tu laki pemula mulut manis.(enda ulih dipercaya)
8. Engka nuan tu laki pemalu –malu terkuyung..
9. Laban nama nuan ’’Apai Aloi’’..( apai orang sapa ka)
10. Bisi jai karan untak kini ( agu meh nya)
11. Saiz sama enggau siti tong dram ( nadai saiz tangkup )
12. Kelalu chelum kulit ( baka bangsa negro, enda dipeda, kumbai sida indu dara pelancong lalu enda dilayan.)
13. Nadai leka puchau aki manang buban..
14. Kada enda nuan tu lelaki lembut deh ?? (pundan deh, biki kini..)
15. ngeli rabang tacak gerama, chelum laban nginsap rukuk apong.
16. bau tenggong tekura laban enda mandi bersabun..
17. engka sigi enda ngiga laban ngumbai diri sigat belama.
18. rindu deka nyadi bujang skrang..pelaba aku kes bahaya tu !!
19. nyangka naun tu kelalu milih. Enggai enda nyulok bintang di langit, enda nemu diri dibaruh lebak..
20. Engka selalu salah kuntik sampai ke terkuntik ke sulu urang tauka indai urang.. kes butang naun lagi..
21. tauka nadai duit kena bersulu.. darling nuan ngemai ngagai KFC, nuan madah kediri bedau terima belama. Tauka madah kediri deka diting taman bungai..ujung sulu nuan rari, laban nuan disangka kedekut.
22. baka ringgin pulai mansai kini pisen gaya nuan, ku ati din rock meh nuan tu ( lagu achan )
23. Engka meh nuan tu buruk gawa..enda diterima ke tawing, enggai ke enda terbeli ke tusu domex anak.
24. Salah skill nguntik, ku pelan ba ati deka ngijab ke mata tang gamal nyu baka naga, ngenakut ke ati indu dara..disangka muru..
25. LAST nuan tu sigi urang ti nadai special pendiau, enda sigat, nadai pengaraja, baruh penemu dalam dunya chinta...
haha.. bisi ngena kini. Anang ringgat auk. Nya jaku gagai aja..
TERIMA KASIH..
Anang percaya..
Lapa nuan nadai tawing, ambai tauka sulu ati ?? .. nguntik belama meh nya tang nadai kala bulih. Puas udah enggau urang ngabang nadai ga bulih sulu ati. Ditu rintai kebuah nuan enda diterima sida indu dara..
Dituju ngagai sida lelaki aja..25 kebuah nuan enda diterima.
1. Nyangka nuan sigi enda laku kini ( nadai endur ngait ka ati urang indu )
2. Bisi kurap kini sebelah tubuh, dagu, kuyu, dagu kini ( orang indu takut kena rampit)
3. Lumpit nuan peda enda mampi/penuh tiap bulan ( selalu nginjau duit apai indai)
4. Ukai urang ngena tupi singit tauka nangkin pen ba kucik baju kini ( lagu maxwell)
5. Nadai kereta,moto, nadai talipon bincing, nadai kad kredit..( nadai reta / milih pengaya)
6. Ukai urang kereja perintah..( kerja sawit kini, enda dipalik ka)
7. Nuan tu laki pemula mulut manis.(enda ulih dipercaya)
8. Engka nuan tu laki pemalu –malu terkuyung..
9. Laban nama nuan ’’Apai Aloi’’..( apai orang sapa ka)
10. Bisi jai karan untak kini ( agu meh nya)
11. Saiz sama enggau siti tong dram ( nadai saiz tangkup )
12. Kelalu chelum kulit ( baka bangsa negro, enda dipeda, kumbai sida indu dara pelancong lalu enda dilayan.)
13. Nadai leka puchau aki manang buban..
14. Kada enda nuan tu lelaki lembut deh ?? (pundan deh, biki kini..)
15. ngeli rabang tacak gerama, chelum laban nginsap rukuk apong.
16. bau tenggong tekura laban enda mandi bersabun..
17. engka sigi enda ngiga laban ngumbai diri sigat belama.
18. rindu deka nyadi bujang skrang..pelaba aku kes bahaya tu !!
19. nyangka naun tu kelalu milih. Enggai enda nyulok bintang di langit, enda nemu diri dibaruh lebak..
20. Engka selalu salah kuntik sampai ke terkuntik ke sulu urang tauka indai urang.. kes butang naun lagi..
21. tauka nadai duit kena bersulu.. darling nuan ngemai ngagai KFC, nuan madah kediri bedau terima belama. Tauka madah kediri deka diting taman bungai..ujung sulu nuan rari, laban nuan disangka kedekut.
22. baka ringgin pulai mansai kini pisen gaya nuan, ku ati din rock meh nuan tu ( lagu achan )
23. Engka meh nuan tu buruk gawa..enda diterima ke tawing, enggai ke enda terbeli ke tusu domex anak.
24. Salah skill nguntik, ku pelan ba ati deka ngijab ke mata tang gamal nyu baka naga, ngenakut ke ati indu dara..disangka muru..
25. LAST nuan tu sigi urang ti nadai special pendiau, enda sigat, nadai pengaraja, baruh penemu dalam dunya chinta...
haha.. bisi ngena kini. Anang ringgat auk. Nya jaku gagai aja..
TERIMA KASIH..
PERANGSANG PENGIDUP
NAMA BANGSA KITAI TUSAH DEKA MANSANG MAJU
Kebuah ia cukup mudah laban kitai selalu betalat ke penemu ti enda manah. Lalu enda kala percaya ke jaku urang ti udah maju tau ke berpelajar tinggi. Lalu enda kala nguji ngubah runding ti udah lama..
Chunto- chunto jaku kitai nya;
Enti semua urang pandai sapa ke kerja kontrek deh ?
Enti semua kerja perintah sapa ke kerja balak deh ?
Sapa ngumbai kerja batang enda besai gaji deh ?
Enda nemu aku ka enggau urang bebisnis (pengawa dagang)
Kapa aku tu nyadi kaya janji bahagia, agi mayuh tanah temuda
Enda ulih aku datai enggau urang ke bulan..
Dini kala kitai iban ulih enggau urang bedagang ngena internet..
Enti kaya tau ngasuh kitai masuk nereka..
Kapa nya aku sigi enda nemu awak ka urang bukai..
Agi mayuh kerja kopi ba pasar sibu deh..
Nyadi penemu ke baka nya meh ti ngasuh kitai enda tentu ulih mansang sesingkang.. nya kebuah kitai makin lubah ke maju lalu ngasai ke penyenang baka urang bukai..kaya baka urang bukai.. tiap – tiap ari kitai selalu besakar ke penemu ti enda tentu nyata dipeda. Runding kitai baka pama baruh tachu kelapa.( katak dibawah tempurung-ku jaku laut)
Bangsa bukai nyau makin jauh nyingkang tang kitai agi nanya ke saut ti udah ditemu saut tanya ia. Ti jaku tanya kitai nya sigi nadai saut ia enda ngawa ga..ke baru tadi kitai bisi nganjung siku angkasawan ngagai langit..tang mayuh agi dimenua yu madah ke kitai empu numpang aja..salah ke enti kitai numpang, laban nya singkang ti manah..
Dipeda aku kitai semina rindu ka ngiga penyamai,penyenang diau dimenua diri ketegal ti mayuh tanah..ketegal diau di dunya kemaya dia agi senang..enti nadai lauk, ambi kantok empasa/ubi di tengah laman tauka ujung tanju. Nurun ke tanah ngupa pantu, ngupa lalis, ngupa sawit enggau mayuh macam agi..nya meh penyenang ti enda bisi belama, engka ulih diasai ke kitai nyentuk ngagai 10 kini da agi..
Nya kebuah aku selalu berunding baka ni kitai iban tau kaya, enti enda kala nguji ke penemu baru. Tiap-tiap ari baka nya.enda kala ngunji nukar ngena cara bukai..
Lalu ditu aku deka ngemai kitai bala berunding ke siti pengawa dagang ti tau mulai ke asil ti besai.. nyangka kita ke kerja kebun, kerja sawit , kerja kontrek empai nemu, tapi bagi sida ti gawa ngena pemandai nyangka nemu tang engka bedau percaya.
PENGAWA DAGANG NGENA INTERNET DISATUP ENGGAU KOMPUTER..
Nemu kita mayuh urang diatu tau kaya mina duduk ari bilik aja.. kebendar sida gawa ngena komputer lalu nyual barang sida.. sida tu tau kaya bendar..nya alai kitai mesti ngembuan pemandai ba bidang internet.. aram meh kitai sama belajar lalu bedagang ngena internet..
TANYA AKU DITU
Sanggup kita belajar baka ni tau nyadi kaya..kaya-raya baka urang bukai. ANANG SALAH SANGKA KITA..ukai aku madah ke kita pengaya tu no 1 ba pengidup,,tang ari nya kitai tau bulih penyenang..ulih ga mantu bala bukai..
Ku laut, KAYA ITU TIDAK HARAM, enti digaga ngena jalai ti betul nitih ka ajar agama. Tentu kita mayuh enda setuju enggau penemu aku ngemai kita nyadi kaya..
UJI PERATI KA TU;
Enti nuan kerja perintah..tiap bulan bulih gaji nyampau nya belama.
Enti kerja kontrek kerja cukup bagas tang gaji enda setipak enggau pengelelak..
Bini anak enda tentu cukup belanja, ujung tau ngasuh gila, tauka belaya lalu sarak..
ENTI ngumbai aku bula, nadai ngawa,,pajak ke aja jalai nuan nya, nadai salah..
Nyangka kita deka nemu enggau silik agi.. BAKA NI JALAI NGIGA PENGAYA, kita tau bertanya enggau aku.. LALAU AKU.. jimat kita dalam dunya dagang internet takut ke tekena ke SKIM CEPAT KAYA..PANSIK DULU....................................
Terima kasih
RINTAI TOPIK
- DOWNLOAD EBOOK
PERANGSANG PENGIDUP
PENGAWA DAGANG INTERNET
TIP @ PETUA
PENGERINDU CHINTA
SUKUT PENGERAI
SUKUT PELAJAR
PENDIAU
UTAI BUKAI
JALAI PENGAYA
Penemu rama
NAMA KEBUAH PIA
-pansik aku
-komputer
Blog
LEMAN BERITA@LUCU
PENULIS BLOG
PENGIDUP AKU
Nyadi bujang tu endang baru angkat bujang. Berjuluk ke ”mali mangsa enda ditegu, bujang ngumba rindu beduan aja”. Nama glemar aku ba dunya internet drlands.
Penatai ari julau sarikei.Baka ke diatu agi benung belajar basiti palan pelajar tinggi,UiTM. Jurusan sains. Ku juluk ati din deka kerja perintah, ba ofis pengerai. Umur baru manggai 21 tahun(sigi bujang bungas_hehe).
Bedau kala bisi tawing.hehe
Maya lepa rindu ke pengawa ngasu beburu, sebelah kampong. Enti di mengeri maya lepa sigi dikena neresa internet.. Selalu udah nulis macam-macam buku/ebook bersangkut-paut ngau internet. (Taja pan enda tentu nemu). Rindu amat berkelala enggau sapa-sapa aja.
Agi mit aku teleba dibai sida indai bejalai ke tanah.teleba diempa nyemetak, gigit nyamuk,semut gatal,tutu kerengit.
Aku mega nemu ngelala buah babas ke tau diempa..bujang rumah panjai tu, sigi chulin..sigi anak iban..
Ke penudi aku meri besai terima kasih ngagai kita ke bisi maca ebook aku tu. Kebendar penemu rama enggau jerita ke bisi diengkebang ke aku ditu, ukai ditulis aku empu. Penemu nya mayuh agi diambi aku ari internet lalu diCOPY, diPASTE lalu diEDIT AKU. NYANGKA ...pengawa aku tu salah aku minta ampun ari punjung pala nyentuk punjung kaki..Terima kasih.
Nyadi bujang tu endang baru angkat bujang. Berjuluk ke ”mali mangsa enda ditegu, bujang ngumba rindu beduan aja”. Nama glemar aku ba dunya internet drlands.
Penatai ari julau sarikei.Baka ke diatu agi benung belajar basiti palan pelajar tinggi,UiTM. Jurusan sains. Ku juluk ati din deka kerja perintah, ba ofis pengerai. Umur baru manggai 21 tahun(sigi bujang bungas_hehe).
Bedau kala bisi tawing.hehe
Maya lepa rindu ke pengawa ngasu beburu, sebelah kampong. Enti di mengeri maya lepa sigi dikena neresa internet.. Selalu udah nulis macam-macam buku/ebook bersangkut-paut ngau internet. (Taja pan enda tentu nemu). Rindu amat berkelala enggau sapa-sapa aja.
Agi mit aku teleba dibai sida indai bejalai ke tanah.teleba diempa nyemetak, gigit nyamuk,semut gatal,tutu kerengit.
Aku mega nemu ngelala buah babas ke tau diempa..bujang rumah panjai tu, sigi chulin..sigi anak iban..
Ke penudi aku meri besai terima kasih ngagai kita ke bisi maca ebook aku tu. Kebendar penemu rama enggau jerita ke bisi diengkebang ke aku ditu, ukai ditulis aku empu. Penemu nya mayuh agi diambi aku ari internet lalu diCOPY, diPASTE lalu diEDIT AKU. NYANGKA ...pengawa aku tu salah aku minta ampun ari punjung pala nyentuk punjung kaki..Terima kasih.
Subscribe to:
Posts (Atom)
.jpg)